1) Спампуйце архіў па спасылцы: https://drive.google.com/file/d/15Am1BA-NAd8FBj1utP9b2_Gwg0WWDnke/view?usp=sharing
(вірусаў няма, праверана з дапамогай Kaspersky і Dr.Web).
2) Устаўце тэчкі з архіва ў каранёвы сегмент гульні (па змаўчанні, ...Steam\steamapps\common\EntropyZero2), пагадзіцеся на замену ўсіх файлаў новымі.
3) Запусціце EZ2 праз Steam.

Праверана: пераклад не ўплывае на атрыманне ачывак.

Перакладзена ўсё, што не было ўшыта ў код мапаў (цi не з'яўляецца тэкстурай) - ад субтытраў самой EZ2 да гукаў i рэплік NPC з HL2/Ep1/Ep2 (якія тут рэгулярна выкарыстоўваюцца) i інтэрфейсу меню (улучаючы ўкладкі у графе "Налады").

P.S.: Здаецца, усе вакол палічылі сваім абавязкам зрабіць уласны пераклад да Entropy: Zero 2. Зараз EZ2 можа прэтэндаваць на месца ў кнізе рэкордаў Гінэса як мод да HL2, да якога фанаты выпусцілі АДРАЗУ СТОЛЬКІ перакладаў на славянскія мовы.

Entropy: Zero 2 выйшла амаль своечасова. Гісторыя пра калабаранта, які працуе на іншапланетных фашыстаў, - адбіраючы жыцці ў iмкнучыхся да волi людзей толькі для таго, каб дасягнуць ўласнай мэты - i якi ў выніку разумее, што тыя яго падманвалі і выкарыстоўвалі, апярэдзіла свой час усяго на месяц (выйдучы ў жніўні 2022 г. заміж верасня, калі ЗСУ пераламалі ход самай агіднай вайны за апошнія 80 гадоў).

Разам з тым, EZ2 - гэта яшчэ i гісторыя пра страту і здабыццё чалавечнасцi. Адпаведная сюжэтная лінія пачынаецца ва ўступным маналогу галоўнага героя і сканчаецца на апошняй фразе эпізоду на станцыі загрузкі ШI Уiлсана ў сiстэму, якая падкрэслiвае канчатковую змену характару персанажа (таму праходзіць гульню без Ўілсана папросту марна: так яе сюжэт губляе палову свайго сэнсу, а геймплэй - каля чвэрці падрыхтаваных аўтарамі дыялогаў).

Галоўны герой EZ2 - трагічны неўдалота, які з-за сваёй злосці, роспачы і адзіноты усвядомлена стаў лiхадзеем, але нават ад гэтага яму не робіцца лягчэй. Ён паглынуты сваёй нянавісцю і імкненнем да эгаістычнай мэты, у дасяжнасць якой ён верыць гэтак слепа, што гатоў знішчыць нават сваю дакладную копію, якая раней яго зразумела цану службы выяўнаму злу.

І блiжэй да фіналу гэты неўдалота або зменіцца і павернецца супраць тых, хто яго выкарыстоўваў (тым самым атрымаўшы хаця б надзею на шчаслівы фінал), або канчаткова ператворыцца ў бязвольную марыянетку, якую ў перспектыве чакае толькі цішыня і бясконцая цемра - у адрозненне ад людзей, чыю волю ён так імкнуўся растаптаць.

R. Order, 14.09.2022.

Спойлер: Украіна пераможа.

1) З-за парушэння адлюстравання знакаў арыгінальны шрыфт, які выкарыстоўваецца ў EZ2, давялося замяніць класічным шрыфтам HL2. У выніку ўступны тытр з назвай гульні выглядае не так стылёва, як у арыгінальнай версіі (тое ж датычыцца фінальных тытраў).

2) Большую частку тэксту аўтары змесцавалі ў txt- i dat-файлах з тэчак resources; іх пераклад не ўяўляе ніякіх цяжкасцяў. Але ж некаторыя асобныя фразы, што з'яўляюцца на экране, ушыты ў файлы саміх мапаў EZ2 (накшталт надпісу "Memory skipping..." ці "11 month before recovery", ці нават надпісаў "Special Delivery" і "Incoming!"). З гэтым нічога не зрабіць: нават пераклады першай Entropy: Zero (у якой сустракалася тая ж праблема), ухваленыя распрацоўнікамі, утрымвалі некаторыя фразы "неперакладзенага" ангельскага тэксту - без выкрыцця і перапрацоўкі файла кожнай асобнай мапы далезці да iх немагчыма, але ж гэта вельмi рызыкоўная ідэя з пункту гледжання агульнай працаздольнасці гульні (асабліва гэта дакранаецца бонуснай мапы "Халодны сігнал"). Та я ж сітуацыя з назвамі двух тыпаў зброі - Stunstick (электрашокер) i S.L.A.M. (насценная міна-ліпучка); гэтых словаў проста няма ў файле са спісам назваў зброі; дзе яны захоўваюцца насамрэч, нiхто не ведае.