Osman Gâzi eyidür: ‘Her ne kim size gerekdür, ânı edin’ der. Dursun Fakı eyidür: ‘Hân’ım! Sultan’dan izin gerekdür’ dedi.
Osman Gâzi eyidür: ‘Bu şehri ben hod kendü kılıcım ile aldım. Burada sultanın ne dahli var kim andan izin alam. Ona sultanlık veren Allah bana dahi gazâyile hanlık verdi’ dedi. ‘Ver ger minneti şu sancağ ise ben hod dahı sancak götürüp kâfirler ile uğraşdım’ der. ‘Ve ger ol ben Âl-i Selçukvan der ise, ben hod Gök Alp oğlıyın derin. Ve ger bu vilâyete ben anlardan öndin geldüm der ise, Süleyman şâh dedem hod andan evvel geldi.’ der. Ve ol kavım dahı râzı oldılar. Kadılığı ve hitâbeti Dursun Fakı’ya verdi. Cuma hutbesi evvel Karaca Hisar’da okundı. Bayram namâzın anda kıldılar.”